Pormatiks no more

Dito ko natutunan na di mo kailangan pumorma masyado. Sa Pilipinas kasi, maarte ako sa damit. Dapat laging match, color coordinated at unique ang style. Eh dito, hindi ko magawa. Kasi malamig, kailangan lagi ka naka-layer ng damit. Para kung mainit man, tanggal ka na lang ng tanggal ng damit. Sando, t-shirt, long sleeves shirt, sweatshirt tapos jacket, pag umulan may rain coat pa.

Isa sa mga natutunan ko dito, dapat nagi-invest ka sa jacket. Tapos sapatos. Hindi masyadong uso ang leather shoes dito, halos lahat naka rubber shoes, sneakers, sandals. Kung saan ka kumportable. Simple nga lang.

'Yung coat na gusto ko hindi pa naka-sale kaya hindi ko pa nabibili! Sabi kasi ng pinsan ko gift na lang daw niya sa akin, isi-ship niya from New Jersey papunta dito sa California. Eh susme, tapos na ang Christmas at New Year, magbi-birthday na ako wala pa! Nakalimutan na ata.. parang 'yung CK one. Hehehe!

Sa ngayon, kailangan ko muna magtipid. Dami pa kailangan bayaran eh. Saka na ako bibili ng mga pormatiks kong damit at baka mabatukan pa ako ni Misis Tikboy! Hehehe!